Benvidos

Hai un tempo, descubrín un escritor sudamericán chamado Mario Vargas Llosa. O primeiro libro que lin del titulábase “La Ciudad y los Perros”. A verdade é que enganchoume dende a primeira páxina ata á derradeira. Despois lin algúns máis, que do mesmo xeito me fascinaron. Nun deles, o escritor falaba da fobia do escritor fronte a páxina en branco. Esta fobia, esta dificultade, é case universal. Case calquera tarefa tórnase complicada cando tenta iniciarse, xa que moitas veces non sabemos por onde comezar.

E o primeiro paso sempre é o máis importante. Deixa unha pegada, un significado, un inicio, un trazo que marca o camiño a realizar. Xa o deixa ben claro a sapiencia popular, ao ensinarnos que “a primeira impresión é a que conta”. A que conta, cando menos, ao principio. É coma ese primeiro apertón de mans, esa primeira conversa, esa primeira mirada, en definitiva, esa marca que deixamos e nos deixan cando nos presentan a alguén.

Do mesmo xeito, eu quero deixarvos unha sinal na vosa retina, que levo a sinapse nerviosa ata o voso cerebro e cheguedes a “engancharvos” a esta nova bitácora.

Dos que xa seguiades a meu antigo blog “Radio Macuto”, dicirvos que a miña nova bitácora mudará un pouco o estilo do anterior, pero seguindo unha liña semellante. Para os novos, que saibades que este novo portal xirará en torno á Galicia, á política local e autonómica, á sociedade galega, ás súas tradicións e festas, e un pouco ao persoal.

E da antiga “Radio Macuto” (e aquí si hai unha grande novidade) xorden dúas novas bitácoras, esta propia, e “Pereza”, a bitácora en castelán, e na que abordarei temas diferentes e tamén, iso espero, interesantes.

O por qué facer dúas novas bitácoras, e mudar de servidor (de blogger a wordpress), é basicamente por cambiar o que estaba facendo ata o de agora, e aportar novas e frescas novidades. WordPress ofrece un aspecto máis profesional e o mesmo tempo facilita algunhas accións que entorpece blogger.

Espero que gocedes tanto como min das dúas novas bitácoras, e que participedes, xa que sen os vosos comentarios, o blog non tería sentido.

Un saúdo a tod@s e grazas por lerme por anticipado.